Shymkentte ataýly áleýmettik kómek alý úshin 7596 otbasy tabysyn jasyrǵan

ShYMKENT. QazAqparat – Shymkentte ataýly áleýmettik kómek alý úshin 7 596 otbasy tabysyn jasyrǵan. Bul týraly qalalyq Jumyspen qamtý jáne áleýmettik qorǵaý basqarmasynyń basshylyǵy málimdedi, dep habarlaıdy QazAqparat tilshisi.

Basqarma basshysy Ǵalymjan Baltaevtyń sózinshe, búgingi kúnge deıin 62 731 ótinish qaralyp, 9801 ótinish (15,6%) keri qaıtarylǵan. 2 149 otbasyǵa 1 530 mln teńgege taǵaıyndalǵan tólemder tolyq toqtatylǵan. Onyń 70,6 mln teńgesi bıýdjetke qaıtarylǵan. Taǵy 3 otbasy 828,4 myń teńgeni óz erkimen bıýdjetke qaıta tólegen. Sonymen qatar, 5 447 otbasynyń áleýmettik tólemderine qaıta esepteý jumystary júrgizilip, 5 358 otbasynyń tólemderi qaıta eseptelip, taǵaıyndalǵan soma 1 037,4 mln teńgege kemitildi.

«Atalǵan tapsyrma aıasynda, aýdandarda óńirlik komıssııalar qurylyp otyr. Komıssııa quramynda: aýdan ákiminiń orynbasary, salyq organynyń ókili, ýchaskelik polıtsııa ókili, qoǵamdyq birlestikter ókili, jumyspen qamtý basqarmasynyń mamany bar. Olar ataýly áleýmettik kómek alýshylardy úıme-úı aralap, tabystaryn qaıta qaraý jumystary júrgizilýde»,- dedi Ǵalymjan Baltaev.