Shymkentte «Ashyq» jobasy aıasynda qandaı nysandar iske qosylady

ShYMKENT. QazAqparat – Shymkent qalasynyń Bas memlekettik-sanıtarlyq dárigeriniń «Ashyq« jobasyna qatysatyn nysandarda shekteý sharalaryn bekitý týraly» qaýlysy shyqty, dep habarlaıdy QazAqparat tilshisi.

Qaýly Shymkent qalasynyń ákimin, memlekettik organdardy, uıymdar men kásiporyndardy, zańdy tulǵalar men kásipkerlik nysandaryn karantın kezinde shekteýler men ruqsattardy iske asyryp, «Ashyq» jobasyna qatysýǵa mindettegen.

Qujatta Shymkent qalasy epıdaýhal kórsetkishteri boıynsha «qyzyl» aımaqta bolǵan kezde «Ashyq» jobasyna qatysatyn áleýmettik-ekonomıkalyq nysandardyń jumysyn shekteýdiń mynadaı ólshemsharttary belgilendi:

- banket zaldaryn, ashana, fastfýd, strıt-fýd sııaqty obektilerdi qospaǵanda, qoǵamdyq tamaqtandyrý obektileri 50%-dyq júktememen saǵat 07:00-den 24:00-ge deıin jumys isteı alady. Biraq ǵımarat ishinde de, jazǵy alańdarda adam sany 50-den aspaýy kerek. Ústelder arasynda 2 metr, oryndyqtar arasynda 60 santımetr qashyqtyq saqtalýy tıis.

- monshalar 50% júktmememen, ár adamǵa 4 sharshy metr keńistik usyný arqyly 09:00-den 23:00-ge jumys isteıtin bolady. Jeksenbi kúni qyzmet kórsetilmeıdi.

- SPA ortalyqtar, basseınder qalypty jumys isteıdi. Basseınder bir adamǵa 5 sharshy metr sý aıdyny berilýi tıis.

- fıtnes-klýbtar, ıoga ortalyqtary, kınoteatrlar, teatrlar, fılarmonııalar, kontsert zaldary qalypty rejımde jumys isteıdi. Biraq júkteme 20%-dan aspaýy qajet.

- oblystar arasynda, qala ishinde týrıst tasymaldaýshylar ruqsat etilgen oblystardyń, qalalardyń jáne eldi mekenderdiń aýmaǵyna 75% júktememen, biraq 15 adamnan asyrmaı jumys isteıdi.

- bılıard klýbtary 12:00-den 24:00-ge deıin 50% júktememen jumys isteıdi.

- PlayStation klýbtary men kompıýterlik klýbtarǵa kirýge tek 16 jastan asqan adamdarǵa ruqsat etiledi.

- boýlıng klýbtary saǵat 12:00-den 24:00-ge deıin 50% júktememen jumys isteıtin bolady.