Shymkentte ashyq oıyn alańshalary el ıgiligine berildi

ShYMKENT. QazAqparat - Shymkentte el Táýelsizdiginiń 27 jyldyq merekesine oraı balalarǵa arnalǵan sporttyq jáne  oıyn alańshalary ashyldy. Saltanatty sharǵa qatysqan qala ákimi Ǵabıdolla Ábdirahymov turǵyndardy merekemen quttyqtap, osynaý qasterli kúnniń mańyzyna toqtaldy, dep habarlaıdy QazAqparat tilshisi.

Alańshalar qaladaǵy Qarataý aýdany «Nursát»  shaǵynaýdanyndaǵy №11, 12, 75 kópqabatty úıler men Abaı aýdanyndaǵy Gagarın kóshesi boıyndaǵy №141, 141a, 141b úıleriniń aldynan ashyldy. Barsha turǵyndardy Táýelsizdik merekesimen quttyqtaǵan qala basshysy el ıgiligine qoldanysqa berilgen nysandardyń  balalardyń salaýatty ómir saltyn ustanýyna septigin tıgizetinine senim bildirdi.
 

Jalpy bıyl «Nursát» shaǵynaýdanyndaǵy tozyǵy jetken 36 kópqabatty  turǵyn úı ornalasqan 14 aýla men Abaı aýdanynda 10 aýla abattandyryldy.  Munda zamanaýı úlgidegi balalar oıyn alańshalary jáne sporttyq jattyǵý elementteri ornatyldy.
 

Aıta keteıik, keler jyly Qarataý aýdanyndaǵy  aýlalardy abattandyrý maqsatynda 43, al Abaı aýdany boıynsha 40  aýlanyń jobalyq-smetalyq qujattary ázirlenip, bıýdjet qaraýyna usynyldy.