Shymkentte ár 15 mınýt saıyn bir náreste dúnıege keledi

ShYMKENT. QazAqparat - Shymkentte bala týý kórsetkishi kúrt ósken. Medıtsına mamandarynyń aıtýynsha, úshinshi megapolıste kúnine orta eseppen 120 sábı ómirge keledi, dep habarlaıdy QazAqparat tilshisi.

Qalalyq densaýlyq saqtaý basqarmasynyń málimetinshe, ótken jyly 5 myńnan asa sábı jyldaǵydan kóp dúnıege kelgen. ıAǵnı bir jylda megapolıste 33 myńnan astam bala týǵan. Sala mamandary nárestelerdiń kóbeıýine pandemııa da áser etkenin aıtady.

«Pandemııa kezinen beri aı saıyn bosanýǵa keletin analar sany kóbeıip otyr. Bir kúnde bizdiń perzenthanada 50-60-qa jýyq bala ómirge keledi. Bıyl da bul úrdis jalǵasyn tapty»,- deıdi medıtsına qyzmetkeri Gúlmıra Qońyrbaeva.

Qazir Shymkentte 4 perınataldyq ortalyq bar. Alaıda nárestelerdiń kóbeıýine baılanysty bul ortalyqtarda oryn tapshylyǵy baıqalýda. Sondyqtan jańa bosanǵan analar úılerine erte shyǵarylady. Biraq qalalyq densaýlyq saqtaý basqarmasy bul máseleniń sheshimi emes deıdi. Sebebi, megapolıske taǵy bir perınataldy ortalyq salý qajettiligi týyndap otyr.

«Qazir bizde akýsherlik tósek-oryn jetpeıdi. Bolashaqta jańa perınataldyq ortalyq qurylysyn bastaý josparlanyp otyr. Sondaı-aq, qazir salynyp jatqan kópbeıindi aýrýhanalardan bosandyrý bólimshelerin ashý kózdelip otyr»,- deıdi qalalyq densaýlyq saqtaý basqarmasy basshysynyń orynbasary Sáýle Dúısenbaeva.

Statıstıkalyq málimetterge súıensek, demografııalyq ósim jaǵynan Shymkent Qazaqstanda aldyńǵy orynda tur. Demografııalyq ósim birinshi kezekte týý kórsetkishiniń joǵary bolýyna baılanysty. ıAǵnı, ár on bes mınýt saıyn bir shymkenttik dúnıe esigin ashady degen sóz. Jyl basynan beri Shymkentte 100 egiz týǵan. Bul ótken jyldyń sáıkes kezeńindegi kórsetkishten shamamen 20 balaǵa kóp.

Aıta keteıik, shaharda aǵymdaǵy jyly 8197 náreste dúnıe esigin ashsa, onyń ishinde 3951 – qyz jáne 4246 – ul bala. Al, ortasha eseppen qalada jylyna otyz bes myńnan asa sábı dúnıe esigin ashady.