Shymkentte alǵy shepte júrgen densaýlyq saqtaý salasynyń mamandary marapattaldy
Jıynda shahar basshysy álemde oryn alyp otyrǵan dertpen kúreste dárigerler men medbıkelerdiń, qatardaǵy qyzmetkerlerdiń eńbegin atap ótti.
«Bul marapat osynaý qıyn kezeńde sizdermen birge aıanbaı eńbek etip jatqan ujymdaryńyzdyń da jetistigi dep bilemin. Jýrnalıster halyqtyń úni, kózi, qulaǵy bolsa, árıne adam janynyń arashasy aq halatty abzal jandar. El úshin syndarly shaqta úı betin kórmeı, otbasy, bala-shaǵasynan jyraq júrip naýqastardy qaýipti dertten emdep, janyna shıpa syılap júrgen medıtsına qyzmetkerlerine barshamyz Alǵys aıtamyz», - dedi Murat Áıtenov.
Sharada «Parasat» ordenimen «№6 qalalyq emhana» MKK-nyń bas dárigeri Gúlnar Kúlbaeva, «Qurmet» ordenimen qalalyq juqpaly aýrýlar aýrýhanasynyń zerthana meńgerýshisi Qaldykúl Kúljanova, qalalyq dıagnostıkalyq ortalyǵynyń dárigeri Lıýdmıla Kýlıeva, jedel medıtsınalyq járdem kórsetý stantsııasynyń bas dárigeri Gúlnar Qurmanbekova marapattaldy. Al, «Eren eńbegi úshin» medali №1 qalalyq klınıkalyq aýrýhanasynyń aǵa medbıkesi Jadyra Imanálıeva, №2 qalalyq aýrýhanasynyń bas dárigeri Sarsen Pernebekov, qalalyq juqpaly aýrýlar aýrýhanasynyń bólim meńgerýshisi Baıan Rystaeva, qalalyq juqpaly aýrýlar aýrýhanasynyń aǵa medbıkesi Almash Saltakovaǵa tabystaldy. «Shapaǵat» medali «№2 qalalyq aýrýhana» MKK bas dárigerdiń orynbasary Kúlzaınap Mashrapova, qalalyq kardıologııalyq ortalyǵynyń bólim meńgerýshisi Bekjan Permenovqa berilse, Qurmet gramotasyn «Jedel medıtsınalyq járdem kórsetý stantsııasynyń» dárigeri Aıgúl Aıtýreeva, qalalyq perzenthananyń bólim meńgerýshisi Erjan Áshirov, qalalyq juqpaly aýrýlar aýrýhanasynyń bólim meńgerýshisi Muqan Bıjanov ıelendi. Sondaı-aq, QR Prezıdentiniń Alǵys hatymen «Ońtústik» telearnasynyń redaktory Muhtar Atabekov pen osy telearnanyń bas ınjeneri Qaharman Sultanov marapattaldy.