Shymkentte alǵash ret júrek transplantatsııasy jasaldy

ShYMKENT. QazAqparat - Shymkentte alǵash ret júrekti aýystyrý operatsııasy jasaldy, dep habarlaıdy QazAqparat tilshisi.

«Shymkent júrek ortalyǵynda» 61 jastaǵy turǵynnyń júregi aýystyryldy. Ol kóp jyldan beri «júrek jetispeýshiligi» dıagnozymen esepte turǵan. Ota kezinde kardıohırýrgtar patsıentke 46 jastaǵy er adamnyń júregin ornatyp berdi. Donorlyq júrekti qaıtys bolǵan er kisiniń týǵan-týystary paıdalanýǵa ruqsat bergen.

«Úshinshi megapolıs tarıhynda tuńǵysh ret jasalǵan júrek almastyrý otasy sátti ótti»- deıdi dárigerler.

Aıta keteıik, júrek almastyrý otasy «University Medical Center» korporatıvtik qorynyń basqarma tóraǵasy ıÝrıı Pıa, Ulttyq ǵylymı kardıohırýrgııa jáne Shymkent júrek ortalyǵy qyzmetkerleriniń qatysýymen ótti.