Shymkentte alǵash ret sot protsesi elektrondy túrde ótti
«Elektrondy qylmystyq is júrgizý» jobasy aıasynda qaralǵan is bastan aıaq elektrondy túrde júrgizilip, sotqa joldanǵan. Sot protsesine qatysqan prokýror men sýdıa, qorǵaýshy da ádettegideı qaǵaz arqalamaı, isti elektrondy túrde qarady. Sot qyzmetkerleri bul óz kezeginde jumystyń tıimdiligin arttyrý men tergeý ýaqytyn qysqartýǵa jáne qarjylyq jaǵynan únemdilikke alyp keletinin aıtady.
Sotta aıyptalýshy týysynyń úıinen jylytatyn peshti urlap, bazarǵa aparyp satqan. Ol óziniń kinásin tolyq moıyndap, jábirlenýshige barlyq shyǵyndaryn ótep beripti. Sońynan ápkesimen bitimge kelip, jábirlenýshi tarap keshirim beretindigin aıtty. Taraptar tyńdalyp bolǵan soń, sot aıyptalýshyny qylmystyq jaýapkershilikten bosatty.
Aıta keteıik, bul joba ótken jyly Túlkibas aýdanynda synaq retinde júrgizilgen bolatyn. Endi sýdıalar jeńil qylmys túrleri boıynsha sot otyrystary elektrondy túrde ótetin bolady dep otyr.