Shymkentte alǵash ret máıit donorlyǵymen baýyrǵa transplantatsııa jasaldy

ShYMKENT. QazAqparat- Shymkenttegi №1 qalalyq klınıkalyq aýrýhanada alǵash ret máıit donorlyǵymen baýyrǵa transplantatsııa jasaldy. Kúrdeli operatsııa 6 saǵatqa sozyldy, dep habarlaıdy QazAqparat tilshisi.

Baýyryn almastyrǵan naýqas bes jyldan beri sozylmaly baýyr tsırrozymen esepte turǵan. Dárigerler onyń qazirgi jaǵdaıyn jaqsy dep otyr. Naýqas jansaqtaý bóliminen palataǵa aýystyrylǵan.

Aıta keteıik, mundaı ota ońtústik óńirinde alǵash ret jasalyp otyr. Marqumnyń týystary máıit donorlyǵyna zańdy túrde kelisimin bergen.

«Otany túngi saǵat tórtte bastadyq. Máıit donorynyń ózge de aǵzalaryn Astana qalasyndaǵy emdeý mekemeleriniń mamandary sanavıatsııamen áketti. Operatsııadan keıin tórtinshi táýlikte naýqas ózdiginen turyp júr. Jaǵdaıy jaqsy. Negizinde máıit donorlyǵynan operatsııa sırek jasalady, onyń ústine dúnıe júzinde donor tapshy», - deıdi dárigerler.

Jalpy Shymkentte aǵza almastyrý operatsııasy 2013 jyldan beri qolǵa alynǵan. Búginge deıin 191 búırek, 30 baýyr transplantatsııasy jasalǵan.

Qalalyq densaýlyq saqtaý basqarmasynyń málimetine súıensek, jyl basynan beri túrli naýqastarǵa 477 joǵary tehnologııalyq ota júrgizilgen. Bul byltyrǵy kezeńmen salystyrǵanda eki esege kóp.