Shymkentte alǵash ret «Kórpe fest» megafestıvali ótýde

ShYMKENT. QazAqparat – Búgin Shymkent qalasynda qala ákimi Murat Áıtenovtiń qoldaýymen «Kórpe Fest» megafestıvaliniń ashylý saltanaty ótti. «Kórme» ortalyǵynda uıymdastyrylǵan sharaǵa kópbalaly analar men tigin tigýdi kásip etkisi keletin 200-den astam qyz-kelinshek qatysýda, dep habarlaıdy QazAqparat tilshisi.

«Rýhanı jańǵyrý» baǵdarlamasy aıasynda uıymdastyrylǵan megafestıvaldyń ashylýynda Shymkent qalasy ákiminiń orynbasary Almasbek Mamytbekov sóz sóılep, trenıngke qatysýshy qyz-kelinshekterge sáttilik tiledi. «Altyn Orda» avtorlyq dızaın úıiniń negizin qalaýshy, ári onyń qazirgi jetekshisi Yrza Tursynzada júrekjardy tilegimen bólisti. Sharaǵa qatysýshy názikjandylar endigi jerde 6 naýryzǵa deıin kórpe, quraq quraý jáne ózge de qolóner buıymdaryn jasaýdyń qyr-syryn úırenetin bolady. Aqysyz sheberlik saǵattaryn «Altyn sapa» syılyǵynyń jeńimpazy, «Qurmet» ordeniniń ıegeri jáne respýblıkalyq aqparattyq aǵartý úgit-nasıhat shtabynyń tóraıymy Yrza Tursynzada ótkizedi. Bul shara «Amanat» áleýmettik baǵdarlamasyn júzege asyrý maqsatynda uıymdastyrylyp otyr. Kórme ortalyǵynda úsh kún boıyna jalǵasatyn megafestıvaldiń ótýine Shymkent qalasy ákimdigi qoldaý kórsetýde. Festıval aıasynda tegin oqytý semınarlary jáne qoldanbaly óner boıynsha sabaqtar men kórmeler uıymdastyrylady dep josparlanýda.

Aıta keteıik, atalǵan áleýmettik joba kópbalaly analar men az qamtylǵan áıelderdiń jeke isin júrgizýge, óz múmkindikterin damytýǵa, sondaı-aq ulttyq qolónerdi odan ári tanymal etýge yqpal etpek.