Shymkentte aldaǵy eki jylda 2 myńǵa jýyq jumys ornyn ashý josparlanǵan

ShYMKENT. QazAqparat – Shymkenttegi «Ońtústik» arnaıy ekonomıkalyq aımaǵynda jalpy quny 60 mlrd teńge bolatyn 26 joba júzege asyrylmaq. 2020-2022 jyldary iske qosylatyn jobalardyń nátıjesinde 2 myńǵa jýyq jumys ornyn ashý josparlanǵan, dep habarlaıdy QazAqparat tilshisi.

Qalalyq ákimdiktiń málimetinshe, aǵymdaǵy jyly jalpy quny 1,316 mlrd teńge bolatyn 3 joba aıaqtalady. 128 jańa jumys ornyn ashý kózdelgen. ıAǵnı, aımaqta aldaǵy úsh jylda polıpropılendi jip pen dákeden tańǵysh materıaldar, gıgıenalyq jáne ártúrli formattaǵy qaǵazdar shyǵarylmaq. Sondaı-aq, óndiris aımaǵynda kamýflıajdy torlar men ýnıformalar, arnaıy kıimder tigetin kásiporyndar ashylady.

Makýlatýradan karton óndiretin, baqshaǵa arnalǵan jazǵy jáne bylǵarydan jasalatyn aıaq kıimder, ózge de buıymdar óndirisi júzege asyrylady.

Aıta keteıik, 2010 jyldan búgingi kúnge deıin qatysýshy kásiporyndar 61,9 mlrd teńgeniń ónimin óndirgen. Osy ónimniń jartysynan astamy ıaǵnı, 42,1 mlrd teńge somasyndaǵy ónim taıaý jáne alys shetelderge eksporttalǵan.

«Ońtústik» AEA jumys istegen kezeń ishinde bıýdjetke salyqtyq aýdarymdar 4,3 mlrd teńgeni quraǵan.