Shymkentte AITV juqtyrǵan balalardyń joǵary bilim alýyna kómektesemiz – Ǵylym mınıstri
«2006 jyly Shymkentte 80-ge jýyq balanyń AITV juqtyrý daýy esińizde bolar. Ókinishke oraı, keıbiri sol jyly qaıtys boldy. Bıyl sol balalardyń deni mektep bitirdi. Bul jastardy JOO-da tegin oqytý, grant berý qarastyrylǵan ba? Keıbir balalar UBT tapsyryp, grantqa túse almaǵan eken. Al Qaraǵandy oblysynyń ákimi Jeńis Qasymbek bir balanyń Qaraǵandy medıtsınalyq akademııasynda tegin oqýyn qamtamasyz etipti. Qalǵan balalarǵa mınıstrlik tarapynan qoldaý, kómek bola ma?», - degen suraq qoıyldy mınıstrge Ortalyq kommýnıkatsııalar qyzmetinde.
«Birinshiden, biz granttardy tek qana zańdy túrde UBT nátıjesi arqyly taǵaıyndaı alamyz. Degenmen, ákimdik granttary degen bar. ıAǵnı ár óńirdiń basshylary ózderinde tapshy mamandyqtarǵa kadr daıarlaýǵa tapsyrys bere alady. Ekinshiden, rektorlardyń jeńildikteri bar. Mysaly, daryndy nemese qıyn jaǵdaıdaǵy balalarǵa rektorlar ýnıversıtetteri esebinen járdem kórsete alady. Sondyqtan biz mınıstrlik retinde osy balalarmen, ata-analarymen kezdesýge daıynbyz. Esigimiz ashyq. Bizdiń hatshylyqqa habarlassyn, olardy tyńdap, qolymyzdan kelgenshe osyndaı rektorlyq jeńildikter arqyly, ákimderdiń óńirlik granttary arqyly kómektesýge daıynbyz», - dep jaýap berdi Saıasat Nurbek.
Buǵan deıin Ǵylym jáne joǵary bilim mınıstri óz balalarynyń qaıda bilim alyp jatqany týraly jýrnalıster suraǵyna jaýap bergen edi.
Sonymen birge, 2500 qazaqstandyq stýdent Reseı men Ýkraınadan otandyq JOO-larǵa aýysqan.
Odan bólek, Saıasat Nurbek stýdentterge jataqhana tapshylyǵy qalaı sheshiletinin túsindirgen edi.