Shymkentte adam saýdasy ýshyǵyp tur

ASTANA. QazAqparat – Qazaqstanda adam saýdasyna baılanysty quqyq buzýshylyq sany bir jyldyń ishinde 37 paıyzǵa qysqardy, dep habarlaıdy QazAqparat tilshisi.

Ranking.kz portalynyń málimetinshe, 2022 jyldyń qańtar-qyrkúıek aılarynda elimizde adam saýdasyna baılanysty 81 quqyq buzýshylyq tirkelgen.

Bul ótken jylmen salystyrǵanda birden 37,2 paıyzǵa az.

Qylmystardyń basym bóligi jezókshelikpen jáne jeńgetaılyqpen aınalysý úshin prıton uıymdastyrýǵa nemese ustaýǵa baılanysty boldy: 44 jaǵdaı.

Al bir jyl buryn mundaı 75 quqyq buzýshylyq tirkelgen edi.

Taǵy 11 jaǵdaı adam saýdasyna, 9 jaǵdaı kámeletke tolmaǵandar saýdasyna, 8 jaǵdaı kámeletke tolmaǵandardy jezókshelikpen aınalysýǵa májbúrleýge, 6 jaǵdaı jezókshelikpen aınalysýǵa tartýǵa, 3 jaǵdaı qanaý maqsatynda zańsyz bas bostandyǵynan aıyrýǵa qatysty boldy.

Óńirler arasynda adam saýdasyna baılanysty quqyq buzýshylyqtar Shymkentte jıi tirkeldi: 17 jaǵdaı.

Qalada ótken jylmen salystyrǵanda mundaı quqyq buzýshylyq 2,1 ese kóbeıgen.

Ekinshi jáne úshinshi orynda Astana (13 quqyq buzýshylyq, bir jylda 18,2 paıyz) jáne Almaty (12 quqyq buzýshylyq, mınýs 40 paıyz) boldy.

Sonymen qatar alǵashqy bestikke Qostanaı (7 quqyq buzýshylyq, 40 paıyz) jáne Qaraǵandy (5 quqyq buzýshylyq, mınýs 28,6 paıyz) oblystary da kirdi.

Ulytaý jáne Aqtóbe oblystarynda bir de bir quqyq buzýshylyq tirkelmegen.

Ashyq kózderden alynǵan foto