Shymkentte 9 myńǵa jýyq jasty turaqty jumyspen qamtý kózdelip otyr
Baspanalar «Turǵyn úı qurylys jınaq banki» arqyly beriledi. Bul týraly búgin qala ákiminiń orynbasary Gúljan Qurmanbekova «Nur Otan» partııasy fılıalynyń kezekten tys HHHVІІ konferentsııasynda málimdedi, dep habarlaıdy QazAqparat tilshisi.
Qala ákimi orynbasarynyń aıtýynsha, Úkimette qazir turǵyn úı sertıfıkattary túrinde alǵashqy jarnaǵa kómek kórsetý jáne bıýdjettik kredıt berý joldary qarastyrylýda. Zań qabyldanǵan soń, qalada 2000 sertıfıkat berý josparlanǵan. Onyń ishinde 500-i kópbalaly analarǵa jáne 200-i az qamtylǵan otbasylarǵa, qalǵany bıýdjet qyzmetkerlerine berilmek.
«Shymkent qalasyn damytý men salýdyń 2023 jylǵa deıingi keshendi josparynda áleýmettik, turǵyn úı, ınjenerlik jáne kólik ınfraqurylymdaryn damytý qarastyrylǵan. Bilim berý salasynda 13 841 az qamtylǵan jáne kópbalaly otbasynan shyqqan oqýshylar ystyq tamaqpen, 9 272 bala mektep formasymen jáne qajetti zattarmen qamtyldy, 7 268 bala jazǵy demalysta lagerlerde demalatyn bolady. Densaýlyq saqtaý salasynda bıylǵy jyly medıtsınalyq uıymdarǵa qural-jabdyqtar satyp alýǵa 1 mlrd teńge qarjy qaralǵan. 2 aýrýhanada kúrdeli jóndeý jumystary, jedel járdem kórsetý stantsııasyn memlekettik-jekeshelik áriptestik aıasynda jańǵyrtý jumystary josparlandy»,- dedi Gúljan Qurmanbekova.
Jıynda kópbalaly analarǵa dárigerge kezeksiz qaralý máselesi qarastyrylyp, medıtsına uıymdarynda «Ashyq esik kúni» uıymdastyrylǵany atyldy. Sondaı-aq, qala basshylyǵy 2500-den astam keńes berilgenin jáne 1250 kópbalaly otbasynyń balalary medıtsınalyq tekserýden ótkenin atap ótti.
«387 azamatqa kórsetilimi boıynsha qymbat dıagnostıkalyq tekserý júrgizildi. Dıspanserlik esepte turǵan azamttar bekitilgen tizim boıynsha tegin dári-dármekpen qamtamasyz etildi.Somatıkalyq aýrýlary bar 96 bala qalalyq ońaltý ortalyǵyna joldandy. Al, «Jastar jylyna» oraı 9 myńǵa jýyq jastardy turaqty jumyspen qamtý jáne 300-den astam jastarǵa bıznesin ashýǵa qaıtarymsyz granttar berý josparlanyp otyr. Sonymen qatar, 1-shi maýsymnan bastap bıýdjettik salada tabysy az qyzmetkerlerdiń jalaqysyn 30 paıyzǵa kóterý josparlanǵan. Bul óz kezeginde qalamyzdaǵy bıýdjetten qarjylandyrylatyn 43 myńnan astam qyzmetkerlerdiń otbasylyq jaǵdaıyn jaqsartýǵa septigin tıgizedi degen sóz»,- dedi Gúljan Qurmanbekova.
Jıynda qala ákimi, «Nur Otan» partııasy fılıalynyń tóraǵasy Ǵabıdolla Ábdirahymov konferentsııa jumysyn qorytyndylap, partııa aktıvine naqty tapsyrmalar júktedi. Konferentsııa barysynda «Nur Otan» partııasynyń kezekten tys HІX Sezine 30 delegat saılandy.