Shymkentte 6 myńǵa jýyq otbasyǵa qarjylaı kómek taǵaıyndaldy
Atap aıtqanda aýdan ákimdikterinde, halyqqa qyzmet kórsetý ortalyqtarynda qujattar qabyldanyp jatyr. Turǵyndarǵa ataýly áleýmettik kómekti der kezinde jetkizý úshin mamandar barynsha jumys istep, qabyldaý oryndaryna 150 adamǵa deıin jumyldyrylyp otyr. Olar sáýir aıy bastalǵaly 14 myńnan astam turǵynnan ótinish qabyldaǵan.
«Qala boıynsha ataýly áleýmettik kómekke ótinish bildirgen otbasylarǵa sáýir aıynda qabyldanǵan ótinishterdiń barlyǵy qamtylady. Sonymen qatar, sáýir aıynda ótinish tapsyrǵandardyń qujattary zań aıasynda qaralyp, tolyq qamtylady»,- deıdi qala ákiminiń orynbasary Gúljan Qurmanbekova.
Salaǵa jaýaptylar ataýly áleýmettik kómekke bólingen qarajattyń jetkilikti ekenin aıtady. Sondyqtan da kómekke zárý turǵyndardyń alańdaýyna esh negiz joq dep otyr. Aıta keteıik, byltyr Shymkentte 10 myńnan otbasy ataýly áleýmettik kómek alǵan. Bıyl bul járdemaqyny alatyndar sany edáýir artpaq.