Shymkentte 260 adamdy jumyspen qamtıtyn áınek zaýyty iske qosyldy

ASTANA. QazAqparat - QR Premer-Mınıstri Álıhan Smaıylov Shymkentte shyny konstrýktsııalaryn óńdeý jáne óndirý zaýytyn iske qosý rásimine qatysty, dep habarlaıdy primeminister.kz.

Qýaty jylyna shamamen 800 myń m2 shyny konstrýktsııasyn quraıtyn kásiporynǵa «Qarapaıym zattar ekonomıkasy» baǵdarlamasy boıynsha 3,4 mlrd teńgege memlekettik qoldaý kórsetildi.

Zaýytta zamanaýı eýropalyq jabdyqtar ornatylǵan, al shıkizat Qyzylorda oblysynan (Orda Glass Ltd) jetkiziledi.

Jańa kásiporynnyń ónimi ishki naryqqa shyǵarylyp qana qoımaı, Ózbekstan, Qyrǵyzstan jáne Tájikstan elderine de eksporttalady dep kútilip otyr.

Álıhan Smaıylov óz sózinde elimizde básekege qabiletti óndiristerdiń sany jyl saıyn ulǵaıyp kele jatqanyn atap ótti.

«Memleket olarǵa jan-jaqty qoldaý kórsetedi, sonyń arqasynda jańa jumys oryndary qurylyp, azamattarymyzdyń ál-aýqaty artyp keledi», — dedi ol.

Jańa zaýyttyń jalpy ınvestıtsııalyq quny – 5,8 mlrd teńge. Ony iske qosýdyń nátıjesinde 260-tan astam adam jumyspen qamtylady.

«Jalpy onyń qyzmeti óńirdiń ǵana emes, búkil eldiń áleýmettik-ekonomıkalyq damýyna oń áserin tıgizedi. Barshańyzdy kásiporynnyń ashylýymen quttyqtaımyn! Jumystaryńyz tabysty bolsyn!», — dep túıindedi Premer-Mınıstr.

Foto: primeminister.kz