Shymkentte 15 myńǵa jýyq oqýshy elektrondyq jolmen mektepke qabyldandy

ShYMKENT. QazAqparat - Shymkentte bıyl mektepterge balalardy qabyldaý elektrondyq túrde júrgizilýde. Jańa oqý jylyna 15 myńǵa tarta oqýshy osyndaı júıemen qabyldandy, dep habarlaıdy QazAqparat HAA tilshisi.

Sala mamandarynyń sózinshe, jańa júıe sybaılas jemqorlyqqa jol bermeý maqsatynda qol alynyp otyr. Ári ata-analar ashyq portal arqyly mektepterdiń bilim sapasy men materıaldyq bazasy týraly málimetter ala alady. Sol arqyly óziniń tańdaýyna oraı qalaǵan mektebine elektrondy túrde ótinishin tirkeıdi. Tańdaý múmkindigin beretin júıeniń kómegimen oqýshy mektepke ınternet jelisi arqyly qabyldanady. Onyń  kómegimen bilim salasy mamandaryn qaǵazbastylyqtan qutqaryp, birqatar jumystaryn jeńildetýde.

Jalpy, mamandar osy júıe boıynsha 1 synypqa 21 000-ǵa jýyq oqýshy qabyldanady dep josparlasa, ázirge olardyń sany 14 582-ge jetip otyr.  Jańa júıe sonymen qatar búldirshinderdi balabaqshaǵa qabyldaý barysynda da tıimdi ekenin kórsetken. Máselen, qaladaǵy 385 balabaqshada 53 213 bala mektepke deıingi tárbıemen qamtylǵan. Bıyl taǵy 9 611  búldirshin joldamany elektrondy júıe arqyly aldy. Endi balabaqshalarǵa joldama alý úshin ár toqsan saıyn ótetin komıssııa otyrysyn kútpeıdi. Bosaǵan orynǵa kúndelikti avtomatty túrde bala qabyldanady.