Shymkentte 1000 beınebaqylaý kamerasy ornatylady

ShYMKENT. QazAqparat - Shymkentte bıyl 1000 beınebaqylaý kamerasy ornatylady. Onyń 800-i qoǵamdyq qaýipsizdikti qadaǵalasa, 200-i jol qaýipsizdigin qamtamasyz etedi, dep habarlaıdy QazAqparat tilshisi.

Qalany beınebaqylaý kameralarymen qamtý jumystary aldaǵy ýaqytta da jalǵasyn tabady. Naqtyraq aıtsaq, «Tsıfrlandyrý, ǵylym jáne ınnovatsııalar arqasynda tehnologııalyq serpilis» Ulttyq josparyna sáıkes, 2023 jyly 1500, 2024 jyly 1500, al 2025 jyly 2500 beınekameralar qoıylmaq.

Olardyń barlyǵy Polıtsııa departamentine qarasty jedel basqarý ortalyǵy arqyly basqarylady.

Aıta keteıik, ótken jyly Shymkent qalasynyń aýmaǵynda qosymsha 3137 beınebaqylaý kameralary ornatyldy. Onyń 877 kóshe qıylystaryna qoıylsa, 800 jelilik ýchaskelerge ornatyldy. Al, 1500 jalpy beınebaqylaý kameralar qaladaǵy qaýipsizdikti qamtamasyz etip tur.