Shymkentte 10-ǵa jýyq polıtsııa qyzmetkeri jaraqattandy

ShYMKENT. QazAqparat – Shymkentte jappaı tártipsizdikten 10-ǵa jýyq kásipkerlik nysanǵa zııan kelgen. Sondaı-aq 10-ǵa jýyq polıtsııa qyzmetkeri jaraqattanǵan, dep habarlaıdy QazAqparat tilshisi.

Qazirgi kezde qaladaǵy qıratylǵan kásipkerlik nysandarynyń shyǵyny eseptelip jatyr. Al, kommýnaldyq sharýashylyq salasynyń qyzmetkerleri qalany tazartýda. «Zardap shekken kásipkerlik nysandarynyń barshasyda ereýilshiler júrip ótken A.Baıtursynov, D.Qonaev, Arǵynbekova kósheleriniń boıynda ornalasqan. Keıbiriniń esik-terezesi synsa, al, keıbiriniń ishindegi tutyný taýarlaryn alyp ketken. «Metro» dúkeniniń ishinde órt shyqqan. Degenmen, der kezinde sóndirildi. Ǵımaratqa da zaqym kelgen. Avtotehnıka men keńseler qıratylǵan. Shyǵyn kólemi naqtylanýda» – dedi «Atameken» kásipkerlik palatasy Shymkent fılıalynyń dırektory Nurlan Kabıshtaev.

Búgin tańerteń bas qosqan shymkenttik kásipkerler bıznesti qorǵaý, buzaqylyqqa jol bermeý maqsatynda ýaǵdalasyp, polıtsııaǵa kómek kórsete bastady. Táýlik boıy qyzmet etip júrgen tártip saqshylaryn tegin tamaqpen qamtýda. Qaladan shyǵa beris qaqpalary men ákimshilik ǵımaraty ornalasqan aımaqqa blok posttar qoıylǵan. Qalaǵa kirip shyǵatyn kólikter jiti tekserilýde.