Shymkentke Vero Cell vaktsınasynyń 40 myń dozasy jetkizildi

ShYMKENT.QazAqparat - Shymkent qalasyna qytaıdyń Sinopharm kompanııasy shyǵarǵan Vero Cell vaktsınasynyń 40 myń dozasy jetkizildi. Bul jaıynda qalalyq densaýlyq saqtaý basqarmasynyń basshysy Baqytjan Pozılov málim etti, dep habarlaıdy QazAqparat tilshisi.

Baqytjan Pozılovtiń aıtýynsha, 40 myń doza ekpe emhanalarǵa úlestirilip berilgen. Ekpeniń bul túri álemniń 45 elinde, sonyń ishinde Qytaı, Birikken Arab Ámirlikteri, Túrkııa, Serbııa, Belarýs, Bahreın jáne basqa elderde sátti qoldanyldy. Dúnıejúzilik densaýlyq saqtaý uıymy Vero Cell vaktsınasyn osy jyldyń 7 mamyrynan bastap paıdalanýǵa maquldaǵan. Qalanyń bas dárigeri bul vaktsınanyń ereksheligin de atap ótti. ıAǵnı, vaktsınany saqtaýda qatań talaptardyń bolmaýy resýrstardyń jetispeýshiligi jaǵdaıynda óte yńǵaıly.

«Bul álemdegi ampýlasy arnaıy monıtormen qamtamasyz etilgen alǵashqy vaktsına. Atalǵan monıtor japsyrma vaktsınany jyly ortaǵa shyǵarǵan kezde túsin ózgertedi. Bul medıtsına qyzmetkerlerine ony paıdalaný kezinde qaýipsizdik talaptarynyń saqtalýyn qamtamasyz etýge múmkindik beredi»,- dedi Baqytjan Pozılov.

Endi qala turǵyndary bes túrli vaktsınanyń birin tańdaı alady. Olar: Qaraǵandy qalasynda shyǵarylatyn «Gam-kovıd-Vak» (reseılik «Spýtnık V»), qazaqstandyq QazVac, BAÁ elinde daıyndalǵan Sinopharm kompanııasynyń HayatVax ekpesi, Qytaıdyń Sinovac Biotech kompanııasy jasap shyǵarǵan CoronaVac jáne Sinopharm kompanııasynyń Vero Cell vaktsınasy.