Shymkentke respýblıkalyq qala mártebesin alǵaly 1 trln teńge ınvestıtsııa tartylǵan

NUR-SULTAN. QazAqparat – Shymkent qalasyna respýblıkalyq qala mártebesin alǵaly, ıaǵnı 2 jyldyń ishinde 1 trln teńge ınvestıtsııa tartylǵan. Bul týraly Ortalyq kommýnıkatsııalar alańynda qala ákimi Murat Áıtenov málim etti, dep habarlaıdy QazAqparat tilshisi.

«Elbasy Nursultan Ábishuly Nazarbaevtyń Jarlyǵymen Shymkenttiń respýblıkalyq mańyzy bar qalalar sanatyna qosylǵanyna 2 jyldan astam ýaqyt ótti. Elbasy Jarlyqqa qol qoıar aldynda Shymkenttiń tek bizdiń eldiń ǵana emes, tutas Ortalyq Azııa aımaǵynyń damýyna yqpal etetin ortalyq bolatynyn atap ótken bolatyn. Qazirgi kúni bul tarıhı sheshim qalamyzdyń bolashaǵy úshin úlken múmkindik ashty», - dedi Shymkent qalasynyń ákimi.

Murat Áıtenovtyń aıtýynsha, osydan 2 jyl buryn ónerkásip ónim kólemi 319 mlrd teńge bolsa, búgingi kúni 523 mlrd teńgege jetken. Respýblıkalyq mártebe alǵaly qalaǵa 1 trln teńge ınvestıtsııa tartylǵan. 1,3 mıllonnan astam sharshy metr turǵyn úı paıdalanýǵa berilip, belsendi kásipkerlerdiń úlesi 71 paıyzdan 88 paıyzǵa jetken. Qala bıýdjeti 131,2 mlrd teńgeden 455,4 mlrd teńgege deıin ulǵaıdy.