Shymkente ardagerlerdiń qurmetine saltanatty mıtıng bolyp ótti
Jınalǵandardy merekemen Ońtústik Qazaqstan oblysynyń ákimi Asqar Myrzahmetov pen Reseı Federatsııasynyń Qazaqstandaǵy Elshiliginiń keńesshi-ýákili Sergeı Tarasenko quttyqtady.
Shymkenttegi Dańq eskertkishi Uly Jeńistiń 65 jyldyǵyna oraı salynǵan edi. Qara granıtten jasalǵan plıtalarda soǵys jyldary maıdanǵa shaqyrylǵan barlyq 140 myń ońtústik azamattarynyń esimderi jazylǵan. Dańq eskertkishin qurý ıdeıasyn oblys turǵyndary da baǵalaǵanyn atap ótý kerek - kún saıyn munda soǵys qatysýshylarynyń urpaqtary keledi. Al Jeńis kúninde myńdaǵan adam Otan qorǵaýshylardyń esimderiniń aldynda bastaryn ıdi.
Búginde OQO-da Uly Otan soǵysynyń 914 qatysýshysy men 1 031 áskerdiń jesirleri turýda. «Bıylǵy jyly ardagerlerimizdiń demalysy men saýyqtyrylýyna bıýdjetten 350 mln. astam teńge bólingen. Tyl ardagerlerin qosqanda 9 myńnan astam adamnyń oblys shıpajaılarynda densaýlyqtaryn túzetetini josparlanyp otyr», - dedi OQO ardagerler keńesiniń tóraǵasy Jeńisbek Máýlenqulov.