Shymkent zoobaǵyndaǵy Astana esimdi kerik 12 jasqa toldy

ShYMKENT. QazAqparat – Búgin haıýanattar baǵyna kelýshi búldirshinder keriktiń týǵan kúnin toılady, dep habarlaıdy QazAqparat tilshisi.

Astana 2010 jyly 6 shildede Almaty haıýanattar baǵynda dúnıege kelgen. Sodan elorda kúniniń qurmetine oraı esimi Astana dep atalǵan. Ol 2011 jyldyń 13 qyrkúıeginde Shymkent zoobaǵyna aýystyryldy. Qazirgi kezde kerik shymkenttik búldirshinderdiń kózaıymyna aınalyp otyr.

«Jyl saıynǵy dástúr boıynsha Astana esimdi kerigimizdiń týǵan kúnin bıyl da atap óttik. Jemis jıdekten jasalǵan arnaıy syılyqty tartý etip, týǵan kúnimen quttyqtadyq. Balalar túrli oıyndar oınap, taqpaqtar aıtty. Elorda týraly vıktorınalyq suraqtarǵa jaýap berdi», - deıdi zoobaq qyzmetkeri Gúlnur Týlenova.

Aıta keteıik, jýyrda Shymkent zoobaǵyndaǵy arystannyń 40 kúndik tólderi jazǵy volerge shyǵarylǵan bolatyn. Qos abdan 24 mamyrda dúnıege kelgen. Qazirgi tańda jaǵdaılary qalypty dep baǵalanyp otyr.