Shymkent zoobaǵyndaǵy arystannyń 40 kúndik tólderi jazǵy volerge shyǵaryldy

ShYMKENT. QazAqparat – Shymkent qalasyndaǵy zoobaqta osydan 40 kún buryn týǵan arystan tólderi jazǵy torǵa shyǵaryldy, dep habarlaıdy QazAqparat tilshisi.

«Afrıkanyń «Taný» jáne «Sımba» atty arystandary jubynan tól aldyq. Abdandar jazǵy volerge shyǵaryla bastady. 1 shildede bizdiń mamandar olardy tekserip, jynysyn anyqtady. Salmaǵy 7,2 keli boldy», - deıdi zoobaqtyń jyrtqysh ańdar bóliminiń meńgerýshisi Aqnur Shabııarbekqyzy.

Qos abdan 24 mamyrda dúnıege kelgen. Qazirgi tańda jaǵdaılary qalypty dep baǵalanyp otyr. Endi olar 6 aı boıy qatań qadaǵalaýda bolmaq. Odan soń at qoıylyp, kópshilikke tanystyrylady.