Shymkent zoobaǵyndaǵy ańdar balmuzdaq jep, salqyndap jatyr

ShYMKENT. QazAqparat – Shymkenttiń haıýanattar baǵyndaǵy ańdarǵa kún ystyqta balmuzdaq beriledi, dep habarlaıdy QazAqparat tilshisi.

Shymkenttegi aptap ystyqta zoobaqtaǵy ańdar balmuzdaq jep, salqyndap jatyr. Ásirese, aıýlar men maımyldar balmuzdaqty qatty jaqsy kóredi. Tipti, toımaı qalǵany, ekeýin jeıdi.

«Bizdiń basty maqsatymyz – janýarlarǵa qolaıly jaǵdaı jasaý. Jyrtqyshtar bólimindegi aıý, jolbarys, arystan, qasqyr jáne túlkilerdiń óz basseınderi bar. Ózderi qalaǵan ýaqytta shomyla alady. Al, «túngi álem» jáne qabylan, pýmalardyń volerinde salqyndatqysh (kondıtsıoner) ornatylǵan. Tuıaqtylar bólimindegi janýarlardyń volerlerin kúnine 2 ret sýdyń kómegimen salqyndatamyz. Janýarlardyń sýlaryn kúnine 3-4 ret aýystyryp otyramyz. Sondaı-aq, jazǵy maýsymda janýarlarǵa balmuzdaqtar, qaýyn, qarbyz, áńgelek beriledi», - deıdi zoobaq ádiskeri Uljan Jumantaıqyzy.

Aıta keteıik, búginde Shymkenttegi haıýanattar baǵynda 3 myńǵa jýyq ań bar.