Shymkent turǵynynyń salyqqa qaryzy 7,5 mln teńgege jetken

NUR-SULTAN. QazAqparat - Memlekettik kirister komıteti salyq boıynsha qaryzy kóp azamattardyń taǵy bir tizimin jarııalady, dep habarlaıdy QazAqparat vedomstvonyń baspasóz qyzmetine silteme jasap.

TOP-100 tizimin Shymkent qalasynyń turǵyny bastap otyr. Murat Matıev kóligine salynatyn salyq (BSK 104402) boıynsha memleketke 7,5 mln teńge bereshek bolyp otyr.

Nur-Sultan qalasyndaǵy Oljas ıÝsýpov múlik salyǵy (BSK 104102) boıynsha 2,5 mln teńge qaryz jınap úlgergen.

Jer salyǵy boıynsha (BSK 104302) 4 mln teńge qaryzy bar azamatsha da - elorda turǵyny. Janna Aýbakırovanyń salyq boıynsha negizgi qaryzy 1,5 mln teńgeni qurap otyr. Qalǵan 2,35 mln teńge – eseptelgen ósimpul.

Múlik, jer, kólik salyǵy boıynsha bereshegi bar azamattardyń jalpy tizimimen myna siltemede tanysa alasyzdar.

Aıta keteıik, memlekettik kiris organdary salyq boıynsha bereshegi bar azamattar tizimin jarııalaý úrdisin aldaǵy ýaqytta da jalǵastyrady.

Qazirgi ýaqytta Qazaqstanda salyqqa raqymshylyq júrýde. Bıylǵy 31 jeltoqsanǵa deıin negizgi borysh somasyn tólegen azamattardyń ósimpuly esepten shyǵarylady.

Salyq tóleýshiler qaryzynyń bar-joǵyn Memlekettik kirister komıtetiniń saıtyna kirip, teksere alady.