Shymkent turǵynynan áleýmettik jeli arqyly 100 myń dollar bopsalaǵan adam onyń dosy bolyp shyqty

ASTANA. QazAqparat - Qarataý aýdanynyń turǵyny polıtsııaǵa bopsalaý týraly aryz túsirdi. Jas jigit ózin áleýmettik jeliniń belgisiz qoldanýshysy qorqytyp, odan 100 myń dollar talap etkenin aıtty, dep habarlaıdy QazAqparat Polisia.kz saıtyna silteme jasap.

Bopsalaýshy jigittiń ıntımdik sıpattaǵy jeke sýretteri men vıdeolaryn ınternetke jarııalaıtynyn aıtyp, qorqytqan.

Belgisiz adamnyń sózine senip, óziniń bedeline alańdaǵan turǵyn onyń alabyn oryndaýǵa kelisip, 10 mıllıon teńge salynǵan sómkeni kóshelerdiń birindegi temir qubyrdyń astyna qaldyrǵan.

Kúdiktini birneshe saǵattan keıin aqshany alýǵa kelgen kezinde polıtsııa qyzmetkerleri qylmys ústinde ustady.

Atalǵan jaıt QR QK 194-baby 4-bóligi boıynsha sotqa deıingi tirkeýdiń biryńǵaı tizilimine tirkeldi.

Ustalǵan adam óziniń dosy bolyp shyqty.

Belgili bolǵandaı, dosynyń mas kúıin paıdalanǵan joldasy, onyń smartfonyndaǵy jeke sýretteri men beınejazbalaryn ózine ótkizip alǵan.

Bopsalaýshy ýaqytsha ustaý ızolıatoryna qamaldy. Tergeý amaldary júrip jatyr.