Shymkent turǵyny iri mólsherde esirtkini jerge kómip saqtaǵan

TÚRKІSTAN. QazAqparat - Túrkistan oblysy polıtsııa departamentiniń Esirtki qylmysyna qarsy is-qımyl basqarmasynyń qyzmetkerleri esirtki qylmysyna qatysy bar kúdiktini ustady. Er adamnan aıǵaqty zat retinde 50-den astam polıetılen paketke salynǵan sıntetıkalyq esirtki alyndy, dep habarlaıdy QazAqparat tilshisi.

Qolǵa túsken er adamnyń qaltasynan 36 dana sary tústi ızolentaǵa oralǵan esirtki zatyna uqsas untaq tabylǵan. Al, telefonyn tekserý barysynda telegram jelisi arqyly esirtki satqany anyqtalǵan. Sondaı-aq, tergeý barysynda Túrkistan qalasynyń aýmaǵynda «sıntetıkalyq esirtki» salynǵan 15 oramany jerge kómip, saqtaǵany belgili boldy.

«Zertteý qorytyndysyna sáıkes, tárkilenip alynǵan untaq jalpy salmaǵy 50 gramnan astam «mefedron» sıntetıkalyq esirtkisi ekeni anyqtaldy. Atalǵan jaıtty polıtsııa qyzmetkerleri SDTBT-ǵa QR QK-niń 297-baby «Esirtki quraldaryn, psıhotroptyq zattardy, sol tektesterdi ótkizý maqsatynda zańsyz daıyndaý, qaıta óńdeý, satyp alý, saqtaý, tasymaldaý, jóneltý nemese ótkizý» boıynsha tirkeýge aldy» delingen Túrkistan oblysy polıtsııa departamentiniń baspasóz qyzmeti taratqan habarlamada.

Qazirgi tańda kúdikti, ıaǵnı Shymkent qalasynyń turǵyny qamaýǵa alyndy.