Shymkent turǵyny áleýmettik jelide terrorızmdi nasıhattaǵany úshin sottalýda

ShYMKENT. QazAqparat  - Shymkent turǵyny áleýmettik jelide terrorızmdi nasıhattaǵany úshin sottalýda. Qoǵam arasynda  iritki salar jazbalar taratqan degen aıyptalýshynyń isi qaladaǵy Abaı aýdandyq sotynda qaralýda, dep habarlaıdy QazAqparat tilshisi.

Abaı aýdandyq sotynyń málimetinshe, sottalýshyǵa QR QK-niń 174-baby 1- bóligimen (Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý) aıyp taǵylyp otyr. 29 jastaǵy aıyptalýshy áleýmettik jelide «Múslim Múslimov» esimdi jalǵan atpen tirkelip, sońǵy 4 jyl kóleminde dinı taqyrypta alaýyzdyq týdyratyn jazbalar taratyp otyrǵan.

Al, «Vkontakte» jelisinde Baǵdat Dilmurat Ábý Muhammadtyń ultarazdyqqa ýaǵyzdaıtyn aýdıo jáne beınejazbalaryn nasıhattaǵan.

Sotqa deıingi arnaıy saraptamalar onyń kináli ekendigin tolyq dáleldedi.