Shymkent turǵyndaryna 400 dana qyzǵaldaq taratyldy
Shymkent qalasynda Naýryz meıramyn merekeleýdiń úshinshi kúni - «Jaılaý» atalyp ótti.
Táýelsizdik saıabaǵynda uıymdastyrylǵan is-sharada gúlder, jemis jáne dekoratıvti kóshetterdiń, saıajaıǵa arnalǵan uryq pen tuqymdardyń jármeńkesi jáne jemis-jıdekter men dándi daqyldardyń, saıajaıǵa arnalǵan qural-jabdyqtardyń saýda qatary uıymdastyryldy.
Merekelik shara «Báısheshek» sazdy horeografııalyq bıimen bastalyp, «Qyzǵaldaq» bıimen jalǵasyn tapty.
Shara barysynda kelýshilerge Shymkent qalasynyń sımvoly sanalatyn qyzǵaldaq gúliniń 400 danasy taratyldy.
Bul kúni adamdar tabıǵat aıasynda serýen quryp qana qoımaı, sonymen qatar ondaǵy qoqysty tazartyp, tal egip, kóshet otyrǵyzdy.
Al, erteń – Shymqala tarıhı-mádenı kesheninde «Shejire kúni» atalyp ótedi.