Shymkent turǵyndary azyq-túlik baǵasyna baqylaý júrgize alady

ShYMKENT. QazAqparat- Azyq- túlik baǵasy shekti mejeden assa Shymkent turǵyndary tikeleı jeli arqyly shaǵym túsire alady, dep habarlaıdy QazAqparat tilshisi.

Búginde óńirde tikeleı telefon jelisi jumys istep tur.

Kez kelgen turǵyn 24-75-41 telefon nómirine habarlasyp, dúkenderdegi baǵa ósimi boıynsha aıtyp, aryzdanýǵa bolady.

Al, túsken shaǵym boıynsha tıisti mekemeler dúken ıelerine shara qoldanady.

«Qoldanystaǵy zańnamalarǵa sáıkes, QR Ákimshilik quqyq buzýshylyq Kodeksiniń 204 baby 4-tarmaqshasynda saýda ústemesi 15 paıyzdan artqan jaǵdaıda ákimshilik shara kórý kózdelgen. Bul baptyń negizinde aldymen eskertý sharalary júrgiziledi», - deıdi qalalyq aýyl sharýashylyǵy jáne veterınarııa basqarmasy azyq-túlik qaýipsizdigin qamtamasyz etý bóliminiń basshysy Qaırat Bazarbekov.

Bólim basshysynyń aıtýynsha, búgingi tańda Shymkentte azyq-túlik taýarlarynyń tapshylyǵy joq.

Qordaǵy azyq-túlik taýarlary jetkilikti.

Al, áleýmettik mańyzy bar azyq-túlik taýarlary «GRA-MAD» jáne «Magným» iri saýda jelilerinde belgilengen baǵada satylýda.

Máselen, nan 80 teńge bolsa, birinshi sortty bıdaı unynyń kelisi 170 teńgeden satylyp jatyr. Makaron ónimi 193 teńgeden bolsa, sábiz 148 teńge.

Qaladaǵy baǵa turaqtylyǵyn qadaǵalaý boıynsha qurylǵan monıtorıng toby jıi jıi dúkenderdi aralap, baǵa turaqtylyǵyn baqylap otyr.