«Shymkent - TMD elderiniń mádenı astanasy» jylynyń ashylý saltanaty keıinge qaldy
Qala ákimi orynbasarynyń sózinshe, Dúnıejúzilik densaýlyq saqtaý uıymynyń bas dırektory Tedros Adanom Gebreısýs Jenevada ótken brıfıngte koronavırýs ınfektsııasynyń taralýyn pandemııa dep tanyǵan.
«Memleket basshysy Qasym-Jomart Toqaev Dúnıejúzilik densaýlyq saqtaý uıymynyń habarlamasy negizinde Úkimet arnaıy aldyn ala qolǵa alý sharalaryn uıymdastyratynyn jáne qoǵamdyq is-sharalardy ýaqytsha toqtatý jóninde málimdedi. Osyǵan oraı, 2020 jyldyń 20 naýryz kúni Shymkent qalasynda ótetin «Shymkent - TMD elderiniń mádenı astanasy» jylynyń ashylý saltanaty keıinge qalǵanyn habarlaımyz», - dedi A. Mamytbekov.
Ol sondaı-aq, qaladaǵy kınoteatrlar jumysy ýaqytsha toqtap, sporttyq is-sharalar kórermensiz ótetinin aıtty. Álemde oryn alyp otyrǵan jaǵdaıdy eskere otyryp, halyqtyń qaýipsizdigin qamtamasyz etý basty nazarǵa alynyp otyr.
«Sheteldik qonaqtar shaqyrylǵan úlken mádenı is-sharanyń toqtatylýyna baılanysty halyq arasynda úreı týdyrýdyń qajeti joqtyǵyn aıtqym keledi. Sondaı-aq, Ulystyń uly kúni Naýryz merekesin atap ótý is-sharalaryn da toqtatýdy jón sanap otyrmyz»,- dedi Almasbek Mamytbekov.