«Shymkent - Tashkent» turaqty avtobýs qatynasy ashylmaq

ShYMKENT. QazAqparat  - Astana qalasynda Qazaqstan Respýblıkasynyń Úkimeti men Ózbekstan Respýblıkasynyń Úkimeti arasyndaǵy Halyqaralyq avtomobıl qatynasy týraly kelisimniń sheńberinde Halyqaralyq avtomobıl tasymaldary máseleleri jóninde qazaqstan-ózbek birlesken komıssııasynyń kezekti otyrysy ótti. Eki jaqty bas qosýda «Shymkent-Tashkent» baǵyty boıynsha turaqty avtobýs qatynasyn ashý máselesi qaraldy, dep habarlaıdy QazAqparat HAA tilshisi.

Elimizdiń Investıtsııalar jáne damý mınıstrliginiń málimetinshe, kelissózder barysynda taraptar Qazaqstan men Ózbekstan arasynda turaqty avtobýs qatynasyn ashý máselesin qarastyrdy jáne bastapqy kezeńde «Shymkent-Tashkent» marshrýtynyń iske qosylýyn pysyqtaýǵa kelisti.

Shara barysynda ústimizdegi jyly eki el arasynda júk tasymalynyń kólemi artqany atap ótildi. Otyrys qorytyndysy boıynsha eki jaqtyń ókilderi  tıisti hattamalarǵa  qol qoıdy.

Aıta keteıik, aǵymdaǵy jyldyń  birinshi jartyjyldyǵynda Qazaqstan men Ózbekstan arasynda avtomobıl kóligimen júk tasymalynyń kólemi 11%-ǵa ósip, 169,5 myń tonnany qurady. Avtomobıl kóligimen tasymaldanatyn negizgi taýarlar tekstıl, kilem, matalar, kókónis, jemis-jıdekter, plastmassa ónimderi, mehanızmder men jabdyqtar bolyp tabylady.