Shymkent-Taraz tasjolynda turyp qalǵan kólikter ótkizile bastady

ASTANA. QazAqparat - Shymkent-Taraz baǵytynda aýa raıyna baılanysty turyp qalǵan kólikter ótkizile bastady, dep habarlaıdy QazAqparat QazAvtoJolǵa silteme jasap.

«Shymkent-Taraz baǵytynda arnaıy tehnıkanyń jáne jergilikti polıtsııanyń súıemeldeýimen kólik quraldaryn ótkizý jumystary bastaldy. Jol qyzmetteri qysqy kútip-ustaý jumystaryn jalǵastyrýda»,- delingen habarlamada.

Aıta ketsek búgin Jambyl aýdanynda «Almaty-Termez-Tashkent» tasjolynyń ýchaskesi jabylyp (534-593 km), 150 jeńil kólik pen 250 júk kóligi jáne 30 jolaýshylar avtobýsy toqtatyldy.

Jambyl aýdanynda ystyq tamaqpen qamtamasyz etilgen 3 jylytý pýnkti ashyldy. Adamdar qajet bolǵan jaǵdaıda jylytý pýnktine jetkiziledi.

Jambyl oblysyndaǵy boranǵa baılanysty jedel jeli iske qosyldy.