Shymkent prokýratýrasynda Táýelsizdik kúnine arnalǵan merekelik jıyn ótti

ShYMKENT. QazAqparat – Shymkent qalasynyń prokýratýrasynda 16 jeltoqsan - Qazaqstan Respýblıkasynyń Táýelsizdik kúnine oraı merekelik jıyn ótti. Saltanatty sharaǵa qadaǵalaýshy organnyń ardagerleri men jeke quram qyzmetkerleri qatysty, dep habarlaıdy QazAqparat tilshisi.

Jıynda qala prokýrory Maqsat Qojabaev azattyqty armandaǵan eldiń túpki maqsaty oryndalyp, ata-baba ańsaǵan táýelsizdikke qol jetkizgenimizdi atap ótti.

«Táýelsizdikke qol jetkizý úshin ata-babalarymyz qanshama qıynshylyqtardy basynan ótkizdi, endi osy táýelsizdigimizdi qadirlep qasterlep, halqymyzdyń ál aýqatyn jaqsartýǵa, demokratııalyq jáne quqyqtyq memleket qurý jolynda biz, prokýratýra qyzmetkerleri aıanbaı eńbek etýimiz qajet»,-dedi qala prokýrory.

Mereke qarsańynda zańdylyq pen qoǵamdyq tártipti qamtamasyz etýde qol jetkizgen tabystary úshin Qazaqstan Respýblıkasynyń Prezıdenti Qasym-Jomart Toqaevtyń Jarlyǵymen Shymkent qalasy prokýrorynyń orynbasary Bergen Erjapparǵa «Jaýyngerlik erligi úshin» medali tabystaldy.

Sonymen qatar, qyzmettik boryshyn úlgili atqarǵany, zańdylyq pen quqyqtyq tártipti qamtamasyz etýde kórsetken eńbekteri úshin birqatar qyzmetkerler Bas prokýrordyń buıryǵy negizinde «Minsiz qyzmeti úshin» medaldarymen jáne qala prokýrorynyń alǵys hattarymen marapattaldy. Shara sońy merekelik kontsertpen aıaqtaldy.