Shymkent PD baspasóz hatshysynyń ózine qol jumsaý áreketine qatysty tergeý júrgizilýde

NUR-SULTAN. QazAqparat - Shymkent qalasy Polıtsııa departamentiniń baspasóz hatshysy Móldir Bekeevanyń ózin-ózi óltirýge oqtalý faktisi boıynsha sotqa deıingi tergeý júrgizilýde, dep habarlaıdy Sybaılas jemqorlyqqa qarsy is-qımyl agenttigi.

« Shymkent qalasy boıynsha Sybaılas jemqorlyqqa qarsy qyzmet Shymkent qalasy Polıtsııa departamentiniń baspasóz hatshysy M. Bekeevanyń ózin-ózi óltirýge oqtalý faktisi boıynsha (QK 105-baby 1-bóligi) sotqa deıingi tergeý júrgizýde.

QPK-niń 201-babyna sáıkes ózge aqparat jarııa etýge jatpaıdy» delingen Sybaılas jemqorlyqqa qarsy is-qımyl agenttigi taratqan habarlamada .

Aıta keteıik, buǵan deıin áleýmettik jelide Shymkent qalasy polıtsııa departamenti baspasóz qyzmetiniń jetekshisi Móldir Bekeeva dep kórsetilgen aýdıo jazba taraǵan edi. Onda áıel adamnyń qyzmetkerine zekip sóılep, bylapyt sózder aıtqanyn estýge bolady.

Keıin, 6 sáýir kúni, Shymkent qalasy Polıtsııa departamentiniń baspasóz hatshysy Móldir Bekeeva ózine qol jumsamaq boldy. Osy iske baılanysty qylmystyq is qozǵalǵan edi.