Shymkent munaı zaýyty qashan tolyq qýatynda jumys isteı bastaıdy
Májiliste «2018-2020 jyldarǵa arnalǵan respýblıkalyq bıýdjetti naqtylaý týraly» QR zańynyń jobasyn talqylaý barysynda depýtat Albert Raý vıtse-mınıstrden Shymkent munaı óńdeý zaýytynyń josparly jóndeý jumystary qansha ýaqytqa sozylatyndyǵyn suraǵan edi.
«Zaýyttyń toqtatylýy josparlanǵan. Máseleni QazMunaıGaz jáne Energetıka mınıstrligi qarastyrdy. Aǵymdaǵy jyly jóndeý jumystary josparǵa sáıkes júrgiziledi. Mamyrda zaýyt óz qýatynda jumys isteı bastaıdy. Zaýyttyń toqtatylýy bıýdjetke de, respýblıkany janar-jaǵarmaımen qamtamasyz etýge de áser etpeıdi», - dep jaýap berdi Mahambet Dosmuhambetov.
Buǵan deıin, Shymkenttiń munaı óńdeý zaýyty kúrdeli jóndeý jumystarynyń bastalýyna baılanysty búginnen bastap ýaqytsha toqtaǵandyǵyn habarlaǵan bolatynbyz.