Shymkent munaı óńdeý zaýyty keńeıtilýi múmkin
«Munaı ónimderiniń jekelegen túrlerin óndirýdi jáne olardyń aınalymyn memlekettik retteý týraly» QR Zańyna sáıkes mınıstrlik Qazaqstan Respýblıkasynyń ishki naryǵynyń qajettilikterin qamtamasyz etý maqsatynda jer qoınaýyn paıdalanýshylar úshin munaı ónimderin óndirýshilerge shıki munaı jáne (nemese) gaz kondensatyn jetkizý grafıgin bekitedi. Іshki naryqqa jetkiziletin munaı kólemi QR MÓZ óndiristik qýatyna sáıkes bekitiledi. Máselen, 2022 jyly úsh qazaqstandyq MÓZ munaıdyń rekordtyq kólemin - 16,9 mln tonnany qaıta óńdep, dızel otynynyń rekordtyq kólemin - 5,2 mln tonna óndirdi. Sondaı-aq 2022 jyly IHS Markit «Suıytylǵan munaı gazyn óndirý men tutynýdy, kórshiles memleketterde tutynýdyń ósýin jáne 2035 jylǵa deıingi tranzıttik júk aǵynyn qosa alǵanda, Qazaqstandaǵy munaı ónimderi naryǵynyń damý boljamy boıynsha marketıngtik zertteý» júrgizgenin habarlaımyz», - delingen Bolat Aqsholaqovtyń jaýabynda.
Onyń atap ótýinshe, marketıngtik zertteýge sáıkes Qazaqstanda munaı ónimderin (negizinen jeńil munaı ónimderin) tutyný kólemi 2035 jylǵa qaraı jylyna 18,5 mln tonnaǵa deıin 28 paıyzǵa ósedi. Bul rette ósýdiń ozyq qarqyny Qazaqstannyń ońtústik óńirinde shoǵyrlanǵan.
«Sondaı-aq marketıngtik zertteýlerge sáıkes eń tıimdi sheshim Shymkent MÓZ-in keńeıtý bolyp tabylady. Osyǵan baılanysty qazirgi ýaqytta jobanyń aldyn ala tehnıkalyqekonomıkalyq negizdemesi ázirlenýde. Shymkent MÓZ-in keńeıtý týraly sheshim qabyldanǵan jaǵdaıda, ishki naryqqa jetkiziletin munaı kólemin ulǵaıtý týraly másele pysyqtalatyn bolady», - dedi mınıstr.