Shymkent mektebi 1 basketbol dobyn 232 myń teńgege satyp almaq bolǵan

ShYMKENT. QazAqparat - Sybaılas jemqorlyqqa qarsy is-qımyl agenttigi Shymkent qalasy boıynsha departamenti 2,2 mln teńgeden astam bıýdjet qarajatyn tıimsiz paıdalanýdyń aldyn aldy, dep habarlaıdy QazAqparat tilshisi.

Qalalyq bilim basqarmasyna qarasty «№90 daryndy balalarǵa arnalǵan mamandandyrylǵan mektep-gımnazııasy» KMM memlekettik satyp alý josparynda 2,7 mln teńgege 20 dop alýdy bekitken. Memlekettik mekeme basketbol dobyn 232 myń teńgege, al voleıbol dobyn 42 myń teńgege satyp alýdy josparlaǵan. «Taýardyń árbir birligi 2-den 10 esege deıin asyra baǵalanyp eseptelgen.

Departament memlekettik satyp alýdy uıymdastyrýshynyń atyna jospardyń tarmaǵyn qaıta qaraý týraly usynyshat joldady. Nátıjesinde 2,2 mln teńgeden astam qarjy únemdeldi», - dep jazdy Sybaılas jemqorlyqqa qarsy is-qımyl agenttigi Shymkent qalasy boıynsha departamentiniń basshysy Dáýren Erǵarın Facebook-tegi jeke paraqshasynda.