Shymkent qalasynyń ákimi qaı ekpemen revaktsınatsııa jasady

ShYMKENT. QazAqparat - Búgin Shymkent qalasynyń ákimi Murat Áıtenov koronavırýs ınfektsııasyna qarsy ekpeniń úshinshi quramdas bóligin saldyrdy. Shahar basshysy №3 qalalyq emhanaǵa baryp, otandyq QazVac ekpesin aldy, dep habarlaıdy QazAqparat tilshisi.

Murat Áıtenov ekpeden keıin 30 mınýt medıtsınalyq baqylaýda bolyp, jaǵdaıy jaqsy ekenin málimdedi.

«Búginge deıin qalada koronavırýsqa qarsy vaktsınanyń I komponentin 589 843 adam saldyrǵan. Ekpeniń II komponentin alǵandar sany – 560 218 adamǵa jetti. 12002 azamat revaktsınatsııalandy. Búgin ózim de revaktsınatsııa jasadym. Osy vaktsınatsııa arqasynda Shymkent úsh aı boıy «jasyl aımaq» statýsynda. Turǵyndardy qaıta ekpe saldyryp, ınfektsııanyń yqtımal tolqyndarynan saqtanýǵa shaqyramyn. Bul óz jáne jaqynymyzdyń saýlyǵy úshin jasalatyn óte mańyzdy qadamdardyń biri», - dedi qala ákimi.

Úshinshi megapolıste ekpeni qaıta alǵandardyń basym bóligi medıtsına mamandary men muǵalimder bolyp otyr.

Medıtsına mamandarynyń aıtýynsha, revaktsınatsııa aǵzada qalyptasqan ımmýnıtetti qaıta qalpyna keltiredi.

Infektsııadan qorǵaný júıesin arttyrady.

Sol sebepti úshinshi kezeń boıynsha ekpe alatyndarǵa bir ǵana dozadan vaktsına salynady.