Shymkent qalasynyń 2020-2022 jyldarǵa arnalǵan bıýdjeti bekitildi
Kezekti 58 sessııanyń kún tártibinde qaralǵan 20 máseleniń barlyǵy da ózekti boldy. Sessııa barysynda sóz alǵan qala ákimi Erlan Aıtahanov respýblıkalyq transfert bıýdjeti 3 esege ulǵaıǵanyn aıtyp, qarjynyń basym kópshiligi shalǵaı ornalasqan eldi mekenderdiń problemalyq máselelerin sheshýge baǵyttalatynyn atap ótti. Sonymen qatar, shahar basshysy atalǵan qarjynyń qaı salaǵa jumsalatynyn túsindirdi.
«Qaladaǵy ózekti máselelerdi sheshý maqsatynda úshjyldyq jospar ázirlenip, ony júzege asyrý úshin qarjylyq negizdemeler boıynsha QR Úkimetimen jumys júrgizildi. Osynyń nátıjesinde respýblıkadan bólinetin qarjy kólemi 3 esege artyp, jalpy bıýdjet 342 850 mln teńgege jetip otyr. Bul bıylǵy jyldyń bıýdjetinen 100 mlrd teńgege artyq. ıAǵnı, memleket qazynasynan bólinetin qarjy ekonomıkalyq damýǵa serpin beretin densaýlyq saqtaý, bilim jáne turǵyn úı, aýyz sý, ınfraqurylymmen qamtý salalaryna baǵyttalmaq»,- dedi Erlan Aıtahanov.
Máselen, bilim berý salasyna 127 222 mln teńge bólinip otyr. Bul ótken jylmen salystyrǵanda 48 paıyzǵa artyq. Atalǵan qarjyǵa 2020 jyly 7020 oryndyq 12 mekteptiń qurylysy júrgizilse, 11 mektep pen balabaqsha ǵımaraty kúrdeli jóndeýden ótkizilmek. Sonymen qatar, qalada jańadan «Oqýshylar» saraıy salynsa, 134 mekteptiń materıaldyq-tehnıkalyq bazasy jańartylatyn bolady.
Al, densaýlyq saqtaý salasyna bólingen qarjy 2,2 esege ulǵaıyp, 11 419,0 mln teńgeni qurap otyr. Jyl sońyna deıin medıtsına uıymdary tolyǵymen kompıýtermen jabdyqtalyp, keler jyly 32 densaýlyq saqtaý mekemesi qural-jabdyqtarmen qamtylmaq. №2 qalalyq aýrýhana, №2 perzenthana jáne «Ana men bala» ortalyǵynyń ǵımarattary kúrdeli jóndeýden ótpek. Budan bólek, memlekettik-jekeshelik áriptestik aıasynda 100 jedel járdem avtokóligi alynyp, avtomattandyrylǵan Koll-ortalyq iske qosylatyn bolady.
Sondaı-aq, turǵyndardy sapaly aýyz sýmen qamtý maqsatynda bıýdjetten 3 773 mln teńge qaralyp otyr. Osynyń nátıjesinde aldaǵy úsh jylda qala halqyn aýyz sýmen qamtý deńgeıi 93 paıyzdan 99 paıyzǵa jetedi. Qala bıýdjetiniń taǵy bir bóligi abattandyrý jáne tazalyq jumystaryna baǵyttalǵan. 2020 jyly 4 saıabaq salynyp, qalaǵa kire beris joldardyń boıy abattandyrylady.
Sessııa sońynda Erlan Aıtahanov halyq qalaýlylaryn Qazaqstan máslıhatynyń 25 jyldyq mereıtoıymen quttyqtap, depýtattarǵa merekelik medal tabys etti. «Qazaqstan máslıhattaryna 25 jyl» medalimen qala ákimi de marapattaldy.