Shymkent qalasynda úsh kompanııanyń tarıfteri tómendetildi

ShYMKENT. QazAqparat – Shymkent qalasynda «Shymkent sýshar» MKK, «Ońtústik Energoservıs» MKK, «Qazyǵurt joly» JShS-nyń tarıfteri tómendetildi, dep habarlaıdy QaZaqparat Tabıǵı monopolııalardy retteý komıtetine silteme jasap.

QR Ulttyq ekonomıka mınıstrligi Tabıǵı monopolııalardy retteý komıtetiniń Shymkent qalasy boıynsha departamenti ońaılatylǵan tártippen bekitilgen tarıfterdiń qoldanýy merzimderi aıaqtalýyna baılanysty «Tabıǵı monopolııalar týraly» Zańnyń 15-baby 3-tarmaǵyna sáıkes birqatar tabıǵı monopolııalar sýbektilerine 2020 jyldyń 1 sáýirinen bastap tarıfterdi tómendetti

«Shymkent sýshar» MKK-na sýdy kanaldar arqyly berý qyzmetine tarıf 449,48 teńgeden/1000 m3 376,59 teńgege/1000 m3 nemese 16,2%-ǵa tómendetildi;

«Ońtústik Energoservıs» MKK-na elektr energııasyn berý qyzmetine tarıf 3,16 teńge/kVtsaǵattan 1,81 teńge/kVtsaǵatqa nemese 42,7%-ǵa tómendetildi;

«Qazyǵurt joly» JShS-na básekeles kirme jol bolmaǵan jaǵdaıda, jyljymaly quramnyń ótýi úshin kirme joldy berý qyzmetine tarıf 181,23 teńge/vagon.km-den 164,88 teńge/vag.km nemese 9%-ǵa jáne manevr jumystaryna tarıf 5 056,64 teńgeden/vag.saǵattan 4 600,43 teńgege/vag.-saǵatqa nemese 9%-ǵa tómendetildi», delingen habarlamada.