Shymkent qalasynda salyq túsimi artqan

ShYMKENT. QazAqparat – Shymkent qalasyna qarasty Eńbekshi aýdanynyń ákimi Ǵalymjan Ilıasov jýrnalısterge áleýmettik-ekonomıkalyq kórsetkish pen memlekettik baǵdarlamalardyń oryndalýy boıynsha baıandap ótti, dep habarlaıdy QazAqparat tilshisi.

Ǵalymjan Ilıasovtyń aıtýynsha, Eńbekshi aýdanynda ındýstrııalyq-ınnovatsııalyq damý baǵdarlamasy, shaǵyn jáne orta kásipkerlik salasy jáne jeke ınvestıtsııa negizinde «Ońtústik» ındýstrıaldyq jáne «Ońtústik» arnaıy ekonomıkalyq aımaqtarynda 2 óndiristik kásiporyn ashylǵan.

Búginde barlyǵy 80-nen astam jańa jumys orny iske qosylǵan. Sondaı-aq, QR «Jarnama týraly» Zańyna sáıkes reıd uıymdastyrylyp, zańsyz jarnamalar joıylǵan. Al, aýdan boıynsha bıýdjet túsimderi jyldan jylǵa ulǵaıyp jatyr. Atap aıtsaq, jergilikti bıýdjetke 2019 jyldyń 10 aıynda 39,9 mlrd teńge jınalyp, ótken jyldaǵy eseptik kezeńmen salystyrǵanda 29 %-ǵa artqany anyqtalǵan.

Sonymen qatar, aýdan ákimi turǵyn úıler men mekemelerdi jylýmen qamtamasyz etý máselesin de qamtydy. Aýdandaǵy 528 kópqabatty turǵyn úı ortalyqtandyrylǵan jylýmen qamtamasyz etilgen bolsa, kógildir otynmen áli de qamtylmaǵan 1632 turǵyn úı bar. Qazirgi tańda 1632 úıdiń 1256-syna 3941 tonna kómir jetkizilgen.