Shymkent qalasynda 524 myń adam vaktsına alǵan

NUR-SULTAN. QazAqparat – Shymkent qalasy ákiminiń birinshi orynbasary Shyńǵys Muqan Ortalyq kommýnıkatsııalar qyzmetinde ótken brıfıgide qala halqyn vaktsınamen qamtý sharalary týraly málimet berdi, dep habarlaıdy QazAqparat tilshisi.

«Qalada 45 ekpe nysany bar. Birinshi komponentti 524 105 adam, ekinshi komponentti 423 455 adam qabyldady. Onyń ishinde 15 489 medıtsına qyzmetkeri, 23 004 muǵalim, 8 186 quqyq qorǵaý organdarynyń qyzmetkeri, 17 567 stýdent, 84 599 sozylmaly aýrýy bar tulǵa, 375 260 basqa sanattaǵy azamt ekpe aldy.

Búginde tıisti kontıngenttiń jalpy sany 536 000 adam bolsa, 1 komponentti 97,7%, 2 komponentti 79%-y qabyldaǵan», - dedi Shyńǵys Muqan.

Sondaı-aq, ol koronavırýs ınfektsııasynyń aldyn alý boıynsha ótkizilgen issharalarǵa toqtaldy.

«2021 jyldyń 1-qańtarynan bastap 28 qyrkúıekke deıin 38 329 nysanda monıtorıng júrgizildi. Monıtorıng qorytyndysy boıynsha 2 462 jaýapty tulǵaǵa, onyń ishinde 2324 jeke tulǵaǵa, 85 jeke kásipkerge, 15 zańdy tulǵaǵa, 38laýazymdy tulǵaǵa hattama toltyrylyp, jalpy somasy 152 982 630 teńgege aıyppul salyndy», - dedi ákimdik ókili.

Shyńǵys Muqannyń aıtýynsha, shaharda jyl basynan beri atalmysh indetten 1110 adam kóz jumǵan.

«Shymkent qalasynda jyl basynan beri koronavırýs juqtyrǵan 34 337 naýqas anyqtaldy. Emdelip shyqqan naýqastardyń sany – 32 682. Ókinishke qaraı, 1110 naýqas qaıtys boldy. Qazirgi tańda 1317 naýqas emdelip jatyr, onyń ishinde 805 naýqas úı jaǵdaıynda ambýlatorlyq em qabyldap jatyr. Statsıonarda 512 naýqas em qabyldaýda. Ótken táýlikte COVID-19 ınfektsııasyn juqtyrýdyń 126 jaǵdaıy tirkeldi», - dedi ákimniń orynbasary.