Shymkent ımamdary jemqorlyqqa qarsy túsindirý jumysyn júrgizbek

ShYMKENT. QazAqparat - Shymkenttiń meshitterinde juma namazdar barysynda  sybaılas jemqorlyqqa qarsy túsindirý jumystary júrgiziletin boldy. Bul týraly ortalyq meshitte ımamdardyń qatysýymen ótken jıynda aıtyldy, dep habarlaıdy QazAqparat tilshisi.

Basqosýǵa QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti basshysynyń mindetin atqarýshy A.Shilmanov pen qalalyq ishki saıasat jine din isteri basqarmasynyń bólim basshysy Ǵ.Baısarıev, Ortalyq meshittiń naıb ımamy, meshitke kelgen azamattar qatysty.

Sybaılas jemqorlyqpen kúreske qoǵamdy tartý maqsatynda uıymdastyrylǵan sharada kez kelgen zańbuzýshylyqqa tózbeýshilik tanytýǵa tárbıeleýde din ókilderiniń úlesi basym ekendigi aıtyldy. Meshitterde  jemqorlyqtyń aldyn alýdy túsindirýdi bala kezden bastaý qajettigi sóz bolyp, osy oraıda otbasynyń róli zor ekeni atap ótildi.



Sondaı-aq, qaladaǵy 104 meshitte turǵyndarǵa sybaılas jemqorlyqqa qarsy túsindirý jumystaryn júrgizý usynylyp, qala ımamdary biraýyzdan qoldaý bildirdi.