Shymkent áýejaıynan jańa halyqaralyq reıster ashylady

ShYMKENT. QazAqparat - Bıyl Shymkentten tikeleı ushatyn Halyqaralyq reıster sany artady, dep habarlaıdy QazAqparat tilshisi.

Búgingi tańda Shymkentten tikeleı Dýbaı, Ystanbul, Phýket, Medına qalalaryna ushýǵa bolady. Al jaqyn kúnderi Kýtaısı baǵyty qaıta jańaryp, Dýshanbe men Ankaraǵa jańa baǵyttar ashylmaq.

Kelýshi týrıster men turǵyndar úshin qalada oqıǵaly is-sharalar týrızmine keńirek kóńil bólinbek. Máselen, Shymkent qalasynyń týrızm, syrtqy baılanystar jáne kreatıvti ındýstrııa basqarmasy tarapynan bıyl kóktemde «Meniń gúldi aýlam», «DámDásTour», «Mobilography Fest» is-sharalary uıymdastyrylady. Ásirese, Naýryz merekesi qarsańynda ótetin «DámDásTour» restorandar jármeńkesine arnaıy kelýshiler sany kóp bolady dep kútilýde.

Jalpy, ótken jyly Almaty, Astana jáne Reseı, Ózbekstan, Qyrǵyzstan, Túrkııa, AQSh, Koreıa jáne basqa da elder men qalalardan iskerlik, jeke jáne kásiptik maqsatta Shymkentke kelýshiler sany basym bolǵan. Atalǵan basqarma bıyl týrıster sanyn 400 myńǵa jetkizýdi josparlap otyr.