Shymkent ákimimen kezdesken shaǵyn aýdan turǵyndary káriz júıesin sheship berýdi surady
Shymkent qalasynyń ákimi Murat Áıtenov Otyrar jáne «Aıqap», «Túrkistan» shaǵyn aýdandaryndaǵy atqarylǵan jumystardy kórip, turǵyndarymen kezdesti
10 myńǵa jýyq turǵyny bar atalǵan shaǵyn aýdandar elektr, tabıǵı gaz, aýyz sýmen tolyq qamtamasyz etilgen. Tek «Aıqap»,«Túrkistan» shaǵyn aýdanyndaǵy káriz júıesi 50 paıyzdyq kórsetkishte. Bul shaǵyn aýdandaǵy turǵyndardyń basym bóligi jeke sektorda turady. Kósheleriniń 98 paıyzy asfalttalǵan. Bıyl Kóktas kóshesi jaryqtandyrylatyn bolsa, Jańaǵasyr, Kóktem, Zaman kóshelerin jaryqtandyrýǵa usynys berildi. Ákimmen kezdesýge kelgen jergilikti turǵyndar káriz júıesin tolyǵymen sheship berýdi surady.
Al, Otyrar shaǵyn aýdanynyń turǵyndaryn aıaqjol, tazalyq, kóp qabatty úılerdiń syrtyn árleý, lıft, jylý júıesi máselesi tolǵandyrady. Mundaǵy 33 kóp qabatty úı tolyǵymen jańa basqarý nysanyna ótken.
Qala ákimi jaı seriktestik pen úı birlestikterin qurýdyń mańyzdylyǵyn túsindirip, jóndeý jumystary, aýladaǵy jáne úıdiń kireberis tazalyǵyn óz jaýapkershilikterine alý kerektigin jetkizdi. Jolaýshylar kóligi jáne avtomobıl joldary basqarmasynyń basshysyna Jánibekov kóshesine qoǵamdyq kólik qatynaýyn jáne aıaqjol salý boıynsha zerdeleý jumystaryn júrgizip, usynys engizýdi tapsyrdy. Ózge de máselelerdi talqylap, qajetti sharalar jasalatynyn jetkizdi.