Shymkent ákimi narazylyq tanytqan Arys turǵyndarymen kezdesti
«Búgin Shymkent qalasynyń əkimi Ǵ.Əbdirahymov Temirlan tas jolyn bógep, narazylyq tanytqan Arys qalasynyń turǵyndarymen kezdesti. Kezdesý barysynda qala basshysy Arys qalasyn qalpyna keltirý QR Prezıdenti Qasym-Jomart Toqaevtyń tapsyrmasyna səıkes Úkimettiń turaqty nazaryna alynǵandyǵyn məlimdedi. Barlyq turǵyndarǵa el bolyp kómek kórsetilip jatqandyǵyn jetkizdi. Shymkent qalasynyń turǵyndary da evakýatsııalanǵan azamattarǵa barynsha qoldaý bildirip, kómek berip jatqandyǵyn túsindirdi», - dep atap ótedi Shymkent qalasynyń ákimdiginen.
Taratylǵan aqparatqa qaraǵanda, Shymkent ákimi qala aýmaǵynda 56 evakýatsııalyq pýktter ashylyp, olarda barlyǵy 39400 azamat tirkelgenin atap ótken.
«Evakýatsııalyq pýnktterdiń barlyǵyna birinshi kezektegi taýarlar men azyq-túlik taýarlary turaqty jetkizilip otyrǵandyǵyna nazar aýdardy. Joldy jabý arqyly Shymkent qalasy aýmaǵynan jer, úı talap etý eshbir zańǵa səıkes kelmeıtindigin aıtyp, narazy halyqty sabyr saqtaýǵa shaqyrdy», - delingen taratylǵan aqparatta.
Eske sala ketsek, Arys qalasyndaǵy áskerı bólimniń qoımasynda 24 maýsym kúni tańerteń jarylys boldy. Saldarynan úsh adam qaza tapty - Arys turǵyny men eki áskerı qyzmetshi. 170-ke jýyq adam zardap shekti. 20-ǵa jýyq úı, 9 qora-qopsy janyp, dalaly aýmaqta 14 oshaq tutandy. Úı-jaılar men ǵımarattardyń 80-90 paıyzyna ártúrli deńgeıde zaqym keldi. Birqatar óńirde shuǵyl jeliler quryldy.