Shymkent ákimi qashyqtan jumys isteýge kóshti

ShYMKENT. QazAqparat – QR Densaýlyq saqtaý mınıstri Eljan Birtanovtyń COVID 19 vırýsyn juqtyrǵany málim bolǵannan keıin, Shymkent qalasynyń ákimi Murat Áıtenov qaýipti vırýsqa test tapsyrǵan. Bul týraly qala ákimdiginiń baspasóz qyzmeti málimet taratty, dep habarlaıdy QazAqparat tilshisi.

Qala ákimdigi baspasóz qyzmetiniń málimetinshe, Eljan Birtanov 10 maýsym kúni Shymkent qalasynda qurylysy aıaqtalǵan ınfektsııalyq gospıtal ǵımaratymen arnaıy tanysýǵa kelgen bolatyn. Mınıstrdiń COVID 19 vırýsyn juqtyrǵanyn bilgen soń, Shymkenttiń ákimi taǵy test tapsyrǵan.

«Sońǵy ret keshe, jeksenbide tapsyrǵan test nátıjesi teris bolyp shyqty. Soǵan qaramastan Murat Áıtenov adamdar kóp shoǵyrlanatyn jerge shyqpaı, óz kabınetinde qashyqtan jumysyn jalǵastyrýda. Al jıyndardy onlaın rejımde ótkizip otyr. ıAǵnı, saqtyq sharalary óz deńgeıinde saqtalýda. Jalpy, Murat Dúısenbekuly turaqty túrde aptasyna bir-eki ret COVID 19 vırýsyna test tapsyryp turady. Búginde onyń densaýlyǵyna tóngen qaýip joq», delingen habarlamada.