Shymkent ákimdiginiń qyzmetkerleri dúkender men dúńgirshekterdi negizsiz teksergen

ShYMKENT. QazAqparat – Shymkentte ákimdik qyzmetkerleri 250-den astam dúken men dúńgirshekti negizsiz teksergen, dep habarlaıdy QazAqparat tilshisi.

Shymkent qalalyq Sybaılas jemqorlyqqa qarsy is-qımyl qyzmeti aýdan ákimdikteri bólshek saýda nysandaryn negizsiz teksergenin anyqtady. Turǵyndardyń óz betinshe ıelenip alǵan jer ýchaskelerin belgileý jáne anyqtaý boıynsha aýdan ákimdikteriniń tájirıbesin zerdeleý barysynda birshama kemshilik tabylǵan.

Ákimdik mamandary saýda obektilerin tekserýge ókilettigi men quzyreti bolmasa da, 250-den astam dúńgirshekter men úılerdiń janyndaǵy dúkenderdi aralaǵan. Bul rette, memlekettik qyzmetshiler kásipkerlerge bıznes obektilerine quqyq belgileıtin qujattardy usyný týraly, al jekelegen jaǵdaılarda dúńgirshekterdi buzý týraly habarlama bergen. Departament usynystar engizip, zańsyz tekserý praktıkasy toqtatyldy, habarlamalar keri qaıtaryldy

, - delingen Sybaılas jemqorlyqqa qarsy is-qımyl agenttiginiń Shymkent qalasy boıynsha departamenti taratqan aqparatta.