Shymkent ákimdigi jumyssyz júrgen qyz-kelinshekterdi maska tigýge shaqyrdy

ShYMKENT. QazAqparat – Shymkentte jumyssyz júrgen qyz-kelinshekterdi ákimdik maska tigýge shaqyrdy. Bul týraly búgin ákimik pen birqatar basqarmalar áleýmettik jelidegi paraqshalarynda jarııa etti, dep habarlaıdy QazAqparat tilshisi.

«Qyz-kelinshekter! Eldegi qalyptasqan jaǵdaıǵa baılanysty Shymkent qalasyndaǵy birqatar tigin tsehtaryna maska tigetin azamattar qajet. Nıet bildirgender qalalyq jumyspen qamtý ortalyǵyna jeke kýáligimen kelýin suraımyz. Bizdiń mekenjaıymyz: Shymkent qalasy, Nursát m/a S.Báıterekov kóshesi, 89» delingen habarlamada.

Aıta keteıik, elimizdiń úshinshi megapolısinde masqa tapshylyǵy týyndap otyr. Osyǵan baılanysty kesheden beri birqatar tigin fabrıkalary men shaǵyn tsehtar medıtsınalyq maska shyǵara bastaǵan bolatyn.